ഇസ്ലാമിക് സ്റ്റേറ്റിന്റെ തലവനെയും ഐഎസിന്റെ എട്ട് മുതിർന്ന നേതാക്കളെയും ഇറാഖിൽ വധിച്ചു

ബാഗ്ദാദ്: ഭീകരസംഘടനയായ ഇസ്ലാമിക് സ്റ്റേറ്റിന്റെ ഇറാഖിലെ തലവനെ വധിച്ചു. സലാഹുദ്ദീൻ പ്രവിശ്യയിലെ ഹംറിൻ പർവതമേഖലയിൽ നടത്തിയ ഏറ്റുമുട്ടലിലാണ് ഐഎസ് തലവൻ ജസീം അൽ മസൂറി അബു അബ്ദുൽ ഖാദറിനെയും സംഘത്തെയും കൊലപ്പെടുത്തിയത്.

ഇസ്ലാമിക് സ്റ്റേറ്റ് തലവൻ ജസീം അൽ മസൂറി അബു അബ്ദുൽ ഖാദറിനെയും ഐഎസിന്റെ എട്ട് മുതിർന്ന നേതാക്കളെയും വധിച്ചതായി ഇറാഖ് പ്രധാനമന്ത്രി മുഹമ്മദ് ഷിയ അൽ സുഡാനി അറിയിച്ചു.യുഎസ് സഖ്യസേനയുമായി ചേർന്ന് ഇറാഖ് ഭീകരവിരുദ്ധ സേനയാണ് ഓപ്പറേഷൻ നടത്തിയത്. ഏറ്റുമുട്ടലിനിടെ രണ്ട് യുഎസ് സൈനികർക്കു പരുക്കേറ്റു.