യുഎസിലേക്ക് പോയ എണ്ണക്കപ്പൽ ഇറാൻ പിടിച്ചെടുത്തു
അമേരിക്കയിലേക്ക് പോവുകയായിരുന്ന എണ്ണക്കപ്പൽഒമാൻ ഉൾക്കടലിൽവെച്ച് ഇറാൻ നാവിക സേന പിടിച്ചെടുത്തു. ഇന്ത്യക്കാരായ 24 ജീവനക്കാർ കപ്പലിലുണ്ടായിരുന്നതായി ഓപ്പറേറ്റർ എഎഫ്‌പിയോട് പറഞ്ഞു. ഇറാനിയൻ സ്റ്റേറ്റ് ടെലിവിഷൻ സംപ്രേഷണം ചെയ്ത ഫൂട്ടേജുകളിൽ നാവികസേനയുടെ കമാൻഡോകൾ ഹെലികോപ്റ്ററിൽ നിന്ന് അഡ്വാന്റേജ് സ്വീറ്റിന്റെ ഡെക്കിലേക്ക് ഇറങ്ങുന്നത് കാണിച്ചിരുന്നു. ഒമാൻ തീരത്ത് വെച്ച് തങ്ങളുടെ കപ്പലുകളിലൊന്നുമായി കൂട്ടിയിടിച്ചെന്നാരോപിച്ചാണ് കപ്പൽ പിടിച്ചെടുത്തതെന്ന് ടെഹ്‌റാൻ പറഞ്ഞു.
ഇതിനും മുൻപും സമാന അനുഭവങ്ങൾ ഉണ്ടായിരുന്നതായും, ജീവനക്കാർ അപകടത്തിലല്ലെന്നാണ് മുൻകാല അനുഭവങ്ങൾ കാണിക്കുന്നതെന്നുംകപ്പലിന്റെ ഓപ്പറേറ്റർ അഡ്വാന്റേജ് ടാങ്കേഴ്സ് എഎഫ്‌പിയോട് പറഞ്ഞു. “അന്താരാഷ്ട്ര തർക്കം” കാരണം മാർഷൽ ദ്വീപുകളുടെ കൊടിയേറ്റ കപ്പൽ ഇറാന്റെ നാവികസേന തുറമുഖത്തേക്ക് കൊണ്ടുപോകുകയായിരുന്നുവെന്ന് ഓപ്പറേറ്റർ പ്രസ്താവനയിൽ പറഞ്ഞു.
കുവൈറ്റിൽ നിന്ന് എണ്ണ കൊണ്ടുവന്ന കപ്പൽ ഷെവ്‌റോൺ കോർപ്പറേഷനാണ് ചാർട്ടർ ചെയ്തതെന്ന് അഡ്വാന്റേജ് ടാങ്കേഴ്സ് വക്താവ് പറഞ്ഞു. മറൈൻ ട്രാഫിക് ട്രാക്കിംഗ് വെബ്‌സൈറ്റ് അനുസരിച്ച് ഇത് ടെക്‌സാസിലെ ഹ്യൂസ്റ്റണിലേക്ക് പോകുകയായിരുന്നു. ലോകത്തിലെ കടൽ വഴിയുള്ള എണ്ണയുടെ മൂന്നിലൊന്ന് വഹിക്കുന്ന ഗൾഫിലെ സെൻസിറ്റീവ് കടലിലെ ഏറ്റവും പുതിയ സംഭവമാണ് ഇത്.
അതേസമയം നിലവിലെ രീതിയില്‍ ഇത്തരം പ്രതിസന്ധികള്‍ നേരത്തേയും ഇറാന്റെ ഭാഗത്ത് നിന്നുണ്ടായിട്ടുണ്ട്. ആഗോള ശക്തികളും ഇറാനുമായി ചേര്‍ന്നുള്ള ആണവ കരാറില്‍ നിന്ന് അമേരിക്ക ഏകപക്ഷീയമായി മാറിയതോടെയാണ് ഇത്തരം അസ്വാരസ്യങ്ങള്‍ ഉടലെടുക്കാന്‍ തുടങ്ങിയത്. അന്നത്തെ അമേരിക്കന്‍ പ്രസിഡന്റ് ഡോണാള്‍ഡ് ട്രംപാണ് ഈ പിന്‍വലിയലിന് പിന്നില്‍ പ്രവര്‍ത്തിച്ചത്. പിന്നീട് സാമ്പത്തിക ഉപരോധം നീക്കുന്നതിന് പകരമായി ഇറാന്‍ സമ്പുഷ്ട യുറേനിയം പരിമിതപ്പെടുത്തുകയും ചെയ്തിരുന്നു.