മെയ്‌നേ പ്യാർ കിയ: നായികയായി പ്രീതി മുകുന്ദൻ
സ്റ്റാർ, ആസ കൂട എന്നീ മ്യൂസിക് വീഡിയോകളിലെ പ്രകടനത്തിലൂടെ ശ്രദ്ധനേടിയ പ്രീതി മുകുന്ദൻ മലയാളത്തിൽ അരങ്ങേറ്റം കുറിക്കുന്നു. മലയാളത്തിലെ ഹിറ്റ് ചിത്രമായ മന്ദാകിനിയുടെ നിർമ്മാതാക്കൾ ജൂണിൽ മൈനേ പ്യാർ കിയാ എന്ന പുതിയ ചിത്രം പ്രഖ്യാപിച്ചിരുന്നു. ഇപ്പോഴിതാ, ഈ ചിത്രത്തിൽ നായികയായി പ്രീതി മുകുന്ദൻ എത്തുമെന്ന് അവർ വെളിപ്പെടുത്തി.
read also: പ്രായപൂര്‍ത്തിയാകാത്ത പെണ്‍കുട്ടിയെ നിരന്തരമായി പീഡിപ്പിച്ച പ്രതിക്ക് 86 വര്‍ഷം കഠിന തടവ്
കവിൻ അഭിനയിച്ച സ്റ്റാർ എന്ന ചിത്രത്തിലെ പ്രകടനത്തിലൂടെയും സായ് അഭ്യങ്കർ രചിച്ച ആസ കൂട എന്ന വൈറലായ തമിഴ് മ്യൂസിക് വീഡിയോയിലൂടെയും തമിഴ് നടി പ്രശസ്തിയിലേക്ക് ഉയർന്നു. തമിഴ് താരങ്ങളും ചിത്രത്തിൻ്റെ ഭാഗമാകുമെന്ന് പ്രോജക്ടിന് പിന്നിലെ ടീം മുമ്പ് വെളിപ്പെടുത്തിയിരുന്നു. സ്‌പയർ പ്രൊഡക്ഷൻസിൻ്റെ ബാനറിൽ സഞ്ജു ഉണ്ണിത്താൻ നിർമ്മിക്കുന്ന ചിത്രം സംവിധാനം ചെയ്യുന്നത് ഫൈസൽ ഫാസിലുദ്ദീൻ ആണ്. തിരക്കഥ ഒരുക്കിയതും സംവിധായകൻ തന്നെയാണ്.