സംസ്ഥാനത്ത് സ്വർണ വിപണി തണുക്കുന്നു, ഇന്നത്തെ നിരക്കുകൾ അറിയാം

സംസ്ഥാനത്ത് ഇന്ന് കുത്തനെ ഇടിഞ്ഞ് സ്വർണവില. ഇന്ന് ഒരു പവൻ സ്വർണത്തിന് 80 രൂപയാണ് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,040 രൂപയായി. ഒരു ഗ്രാം സ്വർണത്തിന് 10 രൂപ കുറഞ്ഞ് 5,505 രൂപ നിലവാരത്തിലാണ് വ്യാപാരം പുരോഗമിക്കുന്നത്. കേരളത്തിൽ കഴിഞ്ഞ 2 ദിവസങ്ങളായി മാറ്റമില്ലാതെ തുടർന്ന സ്വർണവിലയാണ് ഇന്ന് ഇടിഞ്ഞത്.

ഈ മാസത്തെ ഏറ്റവും ഉയർന്ന നിരക്ക് ഒന്നാം തീയതിയാണ് രേഖപ്പെടുത്തിയത്. അന്ന് ഒരു പവൻ സ്വർണത്തിന്റെ വിപണി വില 44,320 രൂപയായിരുന്നു. നിലവിൽ, ആഗോള തലത്തിൽ ഇടിവിലാണ് സ്വർണ വ്യാപാരം നടക്കുന്നത്. ട്രോയി ഔൺസിന് 3.92 ഡോളർ താഴ്ന്ന് 1,932.88 നിലവാരത്തിലാണ് സ്വർണവില ഉള്ളത്. ആഗോള വിലയിലെ ഇടിവ് ആഭ്യന്തര വിപണിയിലും പ്രതിഫലിക്കാറുണ്ട്. അതേസമയം, സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിയുടെ ഇന്നത്തെ വിപണി വില 78.30 രൂപയാണ്.